' n Tydjie gelede het ek ‘n spreekwoord raakgelees wat sê dat as niks ooit verander het nie sou ons nie skoenlappers gehad het nie. Die spreekwoord herinner my daaraan dat verandering soms nodig is, veral die tipe verandering wat niks verander aan die wese van iets nie, maar net die “verpakking” so bietjie vernuwe.

Vir hierdie rede is dit my voorreg om ‘n skoenlapper, met die naam: Nuwe Generasie bediening bekend te stel. Nuwe Generasie is die sambreel-naam wat ons gekies het om die Jeugbediening (vir hoërskool jongmense), Studentebediening en Jong volwassene bediening te verteenwoordig. As mens nou die sommetjies mooi maak verteenwoordig die Nuwe Generasie bediening dus ‘n groep mense tussen die ouderdom van dertien en iets-in-die-dertig!

Binne die Jeugbediening funksioneer hoërskool kategese, kampe, avontuur en uitreike. Die Studente bediening noem hulself die “Christus Kartel”. In gewone Afrikaans kan dit beskryf word as die “Christuse bende” en hulle organiseer ‘n studente selgroep, kampe, sosiale geleenthede en uitreike vir studente. Die bediening vir jong volwassenes het onlangs weer op die been gekom en neem ook verantwoordelikheid vir ‘n selgroep en sosiale geleenthede.

Onder Nuwe Generasie se sorg is daar ook verskeie bedieninge en gebeurtenisse wat nie in die ouderdomsgroepe ingedeel kan word nie. Die aanddiensste, te same met die musiekbediening wat verantwoordelikheid neem vir lofprysing in die aanddiens,  sowel as Tuesdays@Kaalvoet (‘n weeklikse lofprysingsaand) vorm ook deel van ons bediening. Mentorskap, Jeugvisie fondse en uitreike val ook in hierdie katogorie.

Die identiteit van Nuwe Generasie is vasgevang in ons embleem wat ‘n boom is. Die boom sê iets van die kontinuïeteit wat behoue bly in ‘n boom se wortels en die verandering wat plaasvind in die boom se takke wat die boom laat groei. Die woorde “Leef wie jy is” wat onderaan staan sê iets van die droom wat in ons harte leef om ‘n gemeenskap te wees wat Christus se liefde laat leef. Nou wag die jaar 2009 ons in met honderde geleenthede om reg te laat geskied aan ons droom en visie!

 

Om saam met ons te begin leef en droom gesels gerus met een van die volgende manne:

 

Elton (Jong volwassenes) - 083 397 9782

Johan (Studente) - 082 552 0184

Nelis (Hoërskool jongmense) - 082 692 8865