Kontaknommers – Peet Crous 0798935572, Tinus Venter 0828205127
en Elmeri Taljaard 083306974
Die bestaan van Omgeegroepe in ‘n gemeente is om groei en
betrokkenheid in die gemeente te bevorder. Die groter gemeente
bestaan uit kleiner groepies wat aktief betrokke is by
geestelike sake. Omgeegroepe vergader gewoonlik
eenmaal per week op ‘n dag wat die groep pas. ‘n
Onderwerp word bespreek en bestudeer.
‘n Omgeegroep bestaan uit 3 – 6 gesinne. Dit is wenslik dat die
Omgeegroepbedieningsaksie oor die nodige inligting beskik wat
deurgegee word ten einde gesinne met dieselfde belangstellings
en ouderdom byeen te bring. Omgeegroepe waar die onderskeie
individue op daardie spesifieke stadiums van hul lewens sekere
aspekte in gemeen het, maak die samesyn en
die logistieke reëlings soveel beter. ‘n Omgeegroepleier neem
verantwoordelikheid vir die groep en die funksionering daarvan.
Die onderwerpe wat behandel word, word deur die
Omgeegroepbediening bepaal.
Sondae vergader die leiers om die tema en lesmateriaal vir die
komende week te bespreek.
Die doel van die Omgeegroep is om die lede geleentheid te gee om
saam met medegelowiges geestelik te groei en mekaar geestelik te
bedien en te versorg.
Groeplede moet vir mekaar bid en intree. Omgeegroepe het ook ‘n
gulde geleentheid om ander gelowiges in te trek wat groei vir
die gemeente sal teweegbring. In ‘n Omgeegroep is daar meer
geleentheid om eie gawes te ontdek, betrokke te raak by die
gemeente en om uit die aard van die saak die Woord van Die Here
uit te dra en te verkondig. Dit is ook ‘n fantastiese
geleentheid om buite die groep en as groep betrokke te raak by
‘n projek of kerklike aksie van die gemeente.
Omgeegroepe is daar sodat lede mekaar se laste kan dra, mekaar
kan ondersteun met moeilike besluite en kan bemoedig in
hartseertye en beproewings.
Elke gemeentelid het ‘n behoefte aan: Geloofsekerheid,
Geestelike groei en volwassenheid, Empatie en meelewing, Uitreik
en om ander te dien, Betrokkenheid by kerkaksies, maar baie
belangrik– dat ander gelowiges vir mekaar kan intree met gebed.
Al hierdie behoeftes kan aangespreek word in ‘n Omgeegroep. Dit
is ‘n wonderlike belewenis om saam met
medegelowiges veral gedurende die besige week, rondom God se
Woord te verkeer en die rustigheid en vrede van hierdie samesyn
te ervaar.
Daar is ‘n geleentheid vir elke lidmaat in die NG Gemeente
Lynnwood om hierdie voorreg te geniet!
Kontaknommers – Peet Crous 0798935572, Tinus Venter 0828205127
en Elmeri Taljaard 08330697
